IBAHackathon – Innovating together (ABB Regional Hakatonu)
İnnovativ mədəniyyətin inkişafına dəstək verən ABB ABB Tech Akademiyası ilə birgə ölkəmizdə ilk dəfə olaraq “ABB Regional Hackathon” (“ABB Regional Hakatonu” ) həyata keçirildi. Typography motion dizayn animasiyası işlərini həyata keçirdiyim, Fil agency tərkibində olarakən hazırlamış olduğum motion dizayn animasiyası.
Hakaton iştirakçılarına öz layihələrinin prototipini hazırlamaqdan ötrü 36 saat vaxt veriləcək. Ən yaxşı layihələr mükafatlandırılacaq. 1-ci yerin qalibi üçün 10000, 2-ci yerin qalibi üçün 5000, 3-cü yerin qalibi üçün 3000 manat məbləğində mükafat nəzərdə tutulub. İştirakçı irəli sürdüyü ideyanın FinTech və ya bank sistemlərinə gələcək faydalarını göstərə bilsə, təşkilatçı tərəf ideyanın həyata keçirilməsinə dəstək verəcək. Seçilmiş layihələrin müəllifləri layihələrini ABB ilə birgə reallaşdırmaq imkanı qazanacaqlar.
ABB-nin İdarə Heyətinin sədri Abbas İbrahimov bildirib: “Biz çox sürətlə dəyişən dünyada yaşayırıq. Həyatımızı bu dəyişikliklərlə uzlaşdıra biləcək yeni ideyalara ehtiyac var. “ABB Regional Hackathon”-unun keçirilməsi və ABB-nin yerinə yetirdiyi digər innovativ layihələr də bu zərurətdən irəli gəlir. Ötən ilin sentyabrında ABB Tech Akademiyasını yaratdıq. “ABB Regional Hackathon”u isə Azərbaycanda innovasiyalar bazarının lideri olmaq üçün növbəti addımımızdır. Bu təşəbbüs innovativ ideyalara malik istedadlara dəstək olacaq. Onları bir araya gətirəcək, ölkəmizdə IT ekosisteminin inkişafına təkan verəcək. Əlbəttə, bu tədbir IT və biznesin inteqrasiyasına, maliyyə-texniki sahədə bir sıra faydalı innovativ layihələrin reallaşdırılmasına da kömək göstərəcək”.
Mənbə: abb-bank.az
